အများစုက လယ်မြေဝယ်ယူရင် အရှုပ်အရှင်းတွေများပြီး ခိုင်မာမှုအားနည်းတယ်လို့ ထင်ကြပေမယ့် အဓိကအချက်သုံးချက် ခိုင်မာရင် စိုးရိမ်စရာမရှိဘဲ ဝယ်ယူနိုင်တယ်လို့ သိရပါတယ်။
လယ်မြေ၊ ယာမြေစတဲ့ စိုက်ပျိုးရေးအတွက် ချထားပေးတဲ့ မြေတွေကို စိုက်ပျိုးရေးအတွက်သာ အသုံးပြု ရမယ်လို့ လယ်ယာမြေဥပဒေမှာ ပါဝင်ပါတယ်။ စိုက်ပျိုးရေးလုပ်ငန်း မလုပ်ကိုင်တော့တဲ့ မြေတွေ ကို မြေအမျိုးအစား ပြောင်းလဲလျှောက်ထားခွင့် တင်လို့ရတယ်လို့ အကျိုးဆောင်ရှေ့နေတစ်ဦးထံမှ သိရပါ တယ်။
မြေဈေးကြီးလာတာနဲ့အမျှ လယ်မြေတွေကို အကွက်ရိုက် ပိုင်းခြားပြီးရောင်းလာတာတွေ များလာပါတယ်။ စာရွတ်စာတမ်း လိမ်လည်မှုတွေ၊ ပိုင်ရှင်မဟုတ်ဘဲ လိမ်ရောင်းတာ၊ အစိုးရရဲ့ စီမံကိန်းနေရာ ဖြစ်နေတာတွေ ကို ဝယ်မိခဲ့လို့ နစ်နာခဲ့တဲ့သူတွေလည်း ရှိပါတယ်။ အခုလို လယ်မြေတွေကို အကွက်ရိုက်ရောင်းတာတွေကို ဝယ်ယူသူတွေ အနေနဲ့ အခြားနည်းနဲ့ အသုံးပြုခြင်းဖြင့် အရောင်းအဝယ် လုပ်ကြတာများပါတယ်။ ဒါတွေဟာ ဥပဒေအရ ခိုင်မာမှု မရှိလို့ တရားမဝင်ဘူးလို့ သိထားကြတာ ဖြစ်ပါတယ်။
လယ်မြေဝယ်ယူချင်တဲ့သူတွေ အနေနဲ့ ဝယ်မယ်ဆိုရင် စိုးရိမ်ပူပန်မှု၊ အလိမ်ခံရတာတွေ မရှိအောင် ပြုလုပ်ရမယ့် အချက်တွေရှိပါတယ်။ ဝယ်မဲ့မြေရဲ့ ပုံစံ (၇)ကို မြေစာရင်း စိစစ်ရေးဌာနမှာ စစ်ဆေးရမှာ ဖြစ်ပါတယ်။ မူရင်းပုံစံ (၇) တွေ့ရှိမှသာ စရန်ငွေကိုပေးချေ သင့်ပါတယ်။ ပြီးရင် ရပ်ကွက် ကျေးရွာ ဥက္ကဋ္ဌ၊ ရပ်ရွာအုပ်ချုပ်ရေးမှုးစတဲ့ တာဝန်ရှိသူတွေနဲ့ ဆွေးနွေးညှိနှိုင်းရမှာ ဖြစ်ပါတယ်။ ငွေအကြေမချေခင်မှာ ပုံစံ (၁၀၅) ပိုင်ရှင်ကနေ ဝယ်ယူတဲ့သူကို SP (အထူးကိုယ်စားလှယ် လွှဲစာ) လွှဲပေးတာလည်း ရှိရမှာ ဖြစ်ပါတယ်။ ပုံစံ (၇) မူရင်းကိုလည်း တောင်းရမှာ ဖြစ်ပါတယ်။
ကိုယ်ဝယ်ယူလိုက်တဲ့မြေပေါ်မှာ ကျူးကျော်တဲတွေ ရှိနေတာကြောင့် ဖယ်ရှားရခက် သူတွေ၊ လျော်ကြေးပေးပြီး ဖယ်ခိုင်းရတာတွေ ရှိတာကြောင့် လက်ရောက်ရယူထားဖို့ လိုအပ်တယ်လို့ ရှင်းပြပါတယ်။
အကျိုးဆောင်ရှေ့နေဦးဝင်းမောင်က "အပေါ်ကပြောတဲ့ အချက်တွေကိုသာ သေချာစိစစ်ပြီး ဝယ်မယ်ဆို စိုးရိမ်စရာမရှိပါဘူး၊ ဝယ်ယူပြီးရင် တံဆိပ်ခေါင်းခွန်၊ မှတ်ပုံတင်ကြေးတို့ကို ပေးဆောင်ပြီး မြို့နယ်စာရင်းမှာ မှတ်ပုံတင် စာချုပ်ချုပ်ဆိုရမှာ၊ ဒါတွေအားလုံးပြီးသွားရင် အမည်ပေါက် ပြောင်းလို့ရပါပြီ" လို့ ပြောပါတယ်။
_________________________________________
အေးမွန်
Feb 1.2016 | http://www.mymemo.cf/2016/02/post202.html
