ချစ်သူနှစ်ဦးကြားဆက်ဆံရေးမှာ အပြန်အလှန်လေးစားမှုက အရေးကြီးပါတယ်။ အပြန်အလှန်လေးစားမှုရှိမှသာ ရေရှည်ခိုင်မြဲတဲ့ အချစ်ရေးကို တည်ဆောက်နိုင်မှာဖြစ်ပါတယ်။ သင့်ကောင်မလေးက သင့်အပေါ်မှာ လေးစားမှုမရှိဘူးဆိုရင် ဘယ်လိုလုပ်မလဲ။ သူမရဲ့လေးစားမှုကို ရယူနိုင်ဖို့ ဘာတွေလုပ်ရမလဲဆိုတာ ဖော်ပြပေးလိုက်ပါတယ်။
၁။ မိမိကိုယ်ကို လေးစားပါ။
အခြားသူတစ်ယောက်ယောက်ရဲ့လေးစားမှုကို ရရှိဖို့ မိမိကိုယ်ကို လေးစားမှုရှိဖို့က အရင်လိုအပ်ပါတယ်။ မိမိကိုယ်ကိုမှ ယုံကြည်လေးစားမှုမရှိရင် အခြားသူတွေရဲ့လေးစားမှုကိုလည်း ခံယူစရာအကြောင်းမရှိပါဘူး။ သင့်ကိုယ်သင် ဂရုမစိုက်တာ၊ အလေးမထားတာတွေကို သင့်ကောင်မလေးတွေ့မြင်နေသ၍ သူမရဲ့လေးစားမှုကို မျှော်လင့်နေဖို့ မဖြစ်နိုင်ပါဘူး။ ဒါ့ကြောင့် အရင်ဆုံး ကိုယ့်ကိုယ်ကိုယ် လေးစားတတ်အောင် သင်ယူပါ။
၂။ အမှီအခိုကင်းပါစေ။
အမှီအခိုကင်းပြီး ကိုယ့်ခြေထောက်ပေါ်ကိုယ်ရပ်တည်နိုင်ခြင်းဟာ သင့်ကောင်မလေးရဲ့ လေးစားမှုကို ခံယူရဖို့ အထိရောက်ဆုံးနည်းလမ်းဖြစ်ပါတယ်။ ကိုယ်ပိုင်ဆုံးဖြတ်ချက်တွေ ချမှတ်ရပ်တည်နိုင်သူတစ်ယောက်ဖြစ်ရပါမယ်။ ဘေးပြောတဲ့စကားထက် ကိုယ်ပိုင်ဆုံးဖြတ်ချက်ကို အလေးထားပြီး ရင့်ကျက်တည်ငြိမ်သူတစ်ယောက်ဖြစ်ကြောင့် သင့်ကောင်မလေး သိအောင် နေထိုင်ပါ။ သင့်ကောင်မလေးရှေ့မှာ ဘာမဟုတ်တာလေးအတွက် ညည်းငြူတာ၊ စိတ်ဓာတ်ကျတာတွေ မလုပ်မိပါစေနဲ့။ အခက်အခဲကြားမှာ ကြံ့ကြံ့ခံရပ်တည်နိုင်စွမ်းက သူမရဲ့ အလုံးစုံလေးစားမှုကို သိမ်းပိုက်နိုင်စေမှာဖြစ်ပါတယ်။
၃။ စကားတည်ပါစေ။
သင့်အနေနဲ့ ပြောထားတဲ့စကားတွေ၊ ပေးထားတဲ့ကတိတွေကို မတည်နိုင်ဘူးဆိုရင် သူမရဲ့ ယုံကြည်လေးစားမှုကို ဆုံးရှုံးရမှာ သေချာပါတယ်။ သူမအတွက် တစ်ခုခုလုပ်မယ်လို့ ပြောထားပြီးရင် ဘာအကြောင်းပဲရှိရှိ ဖြစ်အောင် လုပ်ပေးပါ။ သင်ဖက်က ကတိတည်နိုင်လေလေ၊ သူမရဲ့လေးစားမှုကို ခံရလေလေပဲဖြစ်ပါတယ်။
၎။ မျက်ကွယ်မှာလည်း လေးစားသမှုရှိပါ။
သင့်ကောင်မလေးနဲ့ပတ်သက်ပြီး ရှေ့မှာတစ်မျိုးကွယ်ရာတစ်မျိုး ဆက်ဆံတာက အဆင်မပြေနိုင်ပါဘူး။ ချစ်သူနှစ်ဦးတွေ့နေချိန်မှာပဲ လေးလေးစားစားဆက်ဆံရမှာ မဟုတ်ပါဘူး။ သူမ အနားမှာမရှိတဲ့အချိန်မှာလည်း လေးစားသမှုရှိနေဖို့ လိုပါတယ်။ သူမကို လူတွေအထင်အမြင်သေးစေမယ့် စကားတွေ မပြောပါနဲ့။ အပြုအမူတွေ မလုပ်ပါနဲ့။ သင့်ကောင်မလေးကွယ်ရာမှာ အခြားမိန်းကလေးတွေနဲ့ ပလူးပလဲမလုပ်ပါနဲ့။ သူမ သိသွားခဲ့ရင် သင့်အပေါ် ရိုသေလေးစားမှု ပျောက်ဆုံးသွားမှာ သေချာပါတယ်။
၅။ အမြဲတမ်း အမှန်အတိုင်းပြောပါ။
ရိုးသားမှုဟာ ချစ်သူစုံတွဲတွေအကြားမှာ မရှိမဖြစ်ပါပဲ။ အမှန်တရားက နာကျင်စရာဖြစ်နေရင်တောင်မှ အခြားသူတစ်ယောက်ဆီက ပြန်ကြားရတာထက် သင့်ဆီကနေ ကြားရတာ ပိုသက်သာပါလိမ့်မယ်။ အမှန်ကို ကွယ်ဝှက်ထားတတ်သူကို ဘယ်သူကမှ မလေးစားပါဘူး။ အမှားလုပ်မိရင် စုံကန်ငြင်းနေမယ့်အစား အမှန်အတိုင်းဝန်ခံပြီး တာဝန်ယူပါ။
၆။ အချစ်ရေးအတွက် ရပ်တည်ပါ။
ချစ်သူစုံတွဲတွေအကြား အပြန်အလှန်လေးစားကို ပျက်စီးစေနိုင်တာက အပြင်လူတွေရဲ့ စကားတွေကြောင့်လည်း ဖြစ်နိုင်ပါတယ်။ ဒါ့ကြောင့် သင်ကိုယ်တိုင်နဲ့ သင့်ရဲ့အချစ်ရေးကို ထိခိုက်ပျက်စီးအောင် သွေးထိုးလှုံ့ဆော်တဲ့ စကားတွေကို နားမယောင်မိအောင် ကာကွယ်ပါ။ သင့်ကောင်မလေးနဲ့ နှစ်ဦးသားလက်တွဲခိုင်မြဲဖို့အတွက် ရပ်တည်ပေးပါ။ သင့်ရဲ့ ကြိုးစားအားထုတ်မှုအတွက် သင့်ကောင်မလေးရဲ့ လေးစားမှုကို ရရှိမှာပါ။
၇။ ချစ်သူကို လေးလေးစားစားဆက်ဆံပါ။
သင့်ကောင်မလေးရဲ့ လေးစားမှုကို လိုချင်ရင် သူမကိုလည်း လေးလေးစားစားဆက်ဆံဖို့ လိုပါတယ်။ သူမကို ကောင်းကောင်းမဆက်ဆံပဲ သူမဆီက လေးစားမှုကို မျှော်လင့်လို့မရနိုင်ပါဘူး။ ဒီအချက်က လေးစားမှုတစ်ခုထဲအတွက် မဟုတ်ပါဘူး။ ချစ်သူနှစ်ဦးကြားဆက်ဆံရေးမှာ ဘာကိုပဲလိုချင်လိုချင် အရင်ဆုံးပေးနိုင်အောင် ကြိုးစားပါ။ အသွားအပြန်ဆိုတာ ရှိပါတယ်။ သင့်အပေါ် ယုံကြည်စေချင်ရင် သူမကို ယုံကြည်မှုရှိပေးပါ။ သင့်အပေါ် နားလည်စေချင်ရင် သူမကို နားလည်ပေးလိုက်ပါ။ သင့်ကို လေးစားစေချင်ရင် သူမကို အလေးထားဆက်ဆံပါ။
Source : Gentleman Magazine
