ပညာရှိသော အကြံပေးအမတ်ကြီးဘီဘာဟိုးရှေးရှေးတုန်းက အိန္ဒိယနိုင်ငံမှာ မဂိုအင်ပါယာလို့ အမည်ရတဲ့ အင်ပါယာကြီးတစ်ခု ထွန်းကားခဲ့ တယ်။ အဲဒီအင်ပါယာရဲ့ ပြည့်ရှင့်ဧကရာဇ်ကတော့ အက္ကဘာပေါ့ကွယ်။ အက္ကဘာဘုရင်ကြီးဟာ သူ့ရဲ့ အမတ် တွေကို အဖြေရခက်စေမယ့် ဉာဏ်စမ်းပဟေဠိတွေ မေးရတာ တော်တော်ဝါသနာပါသတဲ့။ သူဟာ ထူးဆန်းပြီး ခက်ခဲ့တဲ့ မေးခွန်းမျိုးတွေ မကြာခဏမေးလေ့ရှိတယ်။ သူ မေးတဲ့ မေးခွန်းတွေကို ဖြေနိုင်ဆိုနိုင်ဖို့ဆိုတာ အတော်ကို ပညာဉာဏ်ကြီးမားမှသာလျှင် ဖြစ်နိုင်ပေလိမ့်မယ်။
တစ်နေ့မှာ အက္ကဘာဘုရင်ကြီးဟာ ညီလာခံတစ်ခုမှာ သူ့ရဲ့အမတ်တွေကို မေးခွန်းတစ်ခု မေးလိုက် သတဲ့။ မေးခွန်းက ထူးဆန်းတော့ အမတ်အားလုံးလည်း ဆွံ့အသွားကြပြီး ဘာပြန်ဖြေလို့ ဖြေရမယ်မှန်းမသိ တော့ဘူး။
ဘုရင်ကြီးဟာ သူ့အမတ်တွေဆီက အဖြေရဖို့ တစ်ယောက်ပြီး တစ်ယောက်လိုက်ကြည့်တယ်။ အားလုံး ဟာ အဖြေပြန်ပေးနိုင်ဖို့ ခေါင်းတွေငုံ့ပြီး အားစိုက်ထုတ် စဉ်းစားနေကြသတဲ့။ အဲဒီအချိန်မှာပဲ ညီလာခံထဲကို ပညာရှိအမတ်ကြီးဘီဘာ ရောက်လာပါတယ်။ ဘုရင်ကြီးရဲ့ စိတ်သဘောကို နားလည်တဲ့ အမတ်ကြီးဟာ ညီ လာခံမှာ ဖြစ်နေတဲ့ အခြေအနေတွေကို တစ်ချက်ကြည့်လိုက်ရုံနဲ့ သဘောပေါက်လိုက်တာမို့ ရောက်ရောက်ချင်း ပဲ ဘုရင်ကြီးကို အောက်ပါအတိုင်း မေးလိုက်တယ်။
“မေးခွန်းရဲ့ အဖြေကို ကြိုးစားရှာဖွေနိုင်ဖို့အတွက် ကျွန်တော်မျိုးအနေနဲ့ အရှင်မင်းကြီးရဲ့ မေးခွန်းကို သိခွင့်ရှိပါသလားအရှင်”“ငါ့ရဲ့ နန်းမြို့တော်ထဲမှာ ကျီးကန်းဘယ်နှစ်ကောင်ရှိသလဲအမတ်ကြီး”လို့ အက္ကဘာဘုရင်ကြီးက မဆိုင်းမတွပြောလိုက်တယ်။
နည်းနည်းလေးမှတောင် စဉ်းစားမနေတော့ဘဲနဲ့ အမတ်ကြီးဘီဘာက အောက်ပါအတိုင်း ပြန်ဖြေသတဲ့။“ကျီးကန်းပေါင်း ငါးထောင်ငါးရာနဲ့ ရှစ်ဆယ့်သုံးကောင် ရှိပါတယ်အရှင်မင်းကြီး”အက္ကဘာမင်းကြီးလည်း အံ့သြပြီး အောက်ပါအတိုင်း ထပ်မေးလိုက်တယ်။“အဲဒီလောက်တောင် သေချာရဲ့လားအမတ်ကြီးရဲ့”
“မှန်ပါ။ ရဲမက်တွေကို လွှတ်ပြီး လိုက်လံရေတွက်ကြည့်ခိုင်းနိုင်ပါတယ်အရှင်။ တကယ်လို့ ကျွန်တော်မျိုး ပြောတဲ့ အရေအတွက်ထက် ပိုနေရင်တော့ တခြားနယ်က ကျီးကန်းတွေက သူတို့အမျိုးတွေဆီ လာလည်နေကြ တာ ဖြစ်နိုင်ပါတယ်။ တကယ်လို့ လျော့နေတယ်ဆိုရင်တော့ နယ်ခံကျီးကန်းတချို့ဟာ တခြားနယ်က သူတို့ အမျိုးတွေဆီ သွားလည်နေကြတာ ဖြစ်နိုင်ကြောင်းပါအရှင်မင်းကြီး”
အမတ်ကြီးရဲ့ ပညာဉာဏ်နဲ့ ပြည့်စုံတဲ့ အဖြေကို ကြားလိုက်ရတဲ့အခါမှာ အက္ကဘာဘုရင်ကြီးလည်း ကျေနပ်နှစ်သိမ့်သွားတော့သတဲ့ကွယ်။
www.english-for-students.com မှ A Wise Counting ကို ဆီလျော်အောင် ဘာသာပြန်ဆိုပါတယ်။
