နယူးယောက်မြို့တော်က စီးပွားရေးဗဟို အချက်အချာ ဝေါလမ်းမကြီးမှာ အလှဆင်ထားတဲ့ အထင်ကရ နွားထီးရုပ်တုကြီးရဲ့ ရှေ့မှာ ကြေက်ရွံ့မှုကင်းတဲ့ ဟန်အပြည့်နဲ့ ခါးထောက်ရပ်နေတဲ့ အမျိုးသမီးငယ်လေး ရုပ်တု အသစ် တခု မနေ့ကပဲ စတင် ထားလိုက်ပါတယ်။
ဒီရုပ်တုဟာ အမျိုးသမီးတွေရဲ့ စီးပွားရေးရာ စွမ်းဆောင်နိုင်မှုကို ပုံဖော်ထားတာပါ။ စီးပွားလုပ်ငန်းစု ကြီးတွေရဲ့ ကျား-မ လုပ်ခလစာ ကွာခြားမှုနဲ့ ခွဲခြားမှုတွေ အကြောင်း အသိအမှတ်ပြုမှုရအောင် နှိုးဆော် ထားတဲ့ သဘောပါ။ အမျိုးသမီးငယ်က အနာဂတ်ကို ကိုယ်စားပြုပါသတဲ့။
အမေရိကား က အကြီးမားဆုံး ကုန်သွယ်ရေး ကုမ္ပဏီ ၃,၀၀၀ ထဲက ၄ ပုံ ၁ ပုံ ရဲ့ အုပ်ချုပ်မှု ဘုတ်အဖွဲ့မှာ အမျိုးသမီး တယောက် မှ မရှိဘူးလို့လည်း ဒီ ရုပ်တုကို စီစဉ်ကြတဲ့ ငွေကြေးစီမံခန့်ခွဲခြင်းဆိုင်ရာ ဝန်ဆောင်မှုပေးနေတဲ့ State Street Global Advisors (SSGA) ကုမ္ပဏီ က ပြောပါတယ်။
အမျိုးသမီး ခေါင်းဆောင်တွေ များများပိုရှိတဲ့ ကုမ္ပဏီတွေဟာ လုပ်ငန်းစွမ်းဆောင်ရည်ပိုင်းမှာ ပိုသာတယ်လို့လည်း SSGA က သူတို့ရဲ့ အမြင်ကို ထုတ်ဖော်ထားပါတယ်။
၂.၅ ထရီလျံ တန်ဖိုးရှိ ငွေကြေးတွေကို စီမံခန့်ခွဲနေတဲ့ SSGA ဟာ ကုမ္ပဏီပေါင်း ၃,၅၀၀ ဆီကို စာရေးသားပေးပို့ပြီး လုပ်ငန်းခွင်နဲ့ လစာကိစ္စရပ်တွေမှာ ကျား-မ တန်းတူညီမျှရေးတွေ လုပ်ဆောင်ဖို့ တောင်းဆိုမယ်လို့လည်း ဆိုပါတယ်။
ဒါပေမယ့် ရိုက်တာ သတင်းတရပ်အရ အခု SSGA ကုမ္ပဏီ ကိုယ်နှိုက်မှာလည်း ဘုတ်အဖွဲ့ဝင် ၁၁ ယောက် မှာ ၃ ယောက်သာ အမျိုးသမီးဖြစ်နေပါတယ်။
ဝေါလမ်းမကြီးမှာ မူလရှိနေတဲ့ နွားထီးရုပ်တုကို အီတလီဖွား အနုပညာရှင် အရသူဒီမော်ဒီကာ က ထုဆစ်ခဲ့ပြီး ၁၉၈၉ ခုနှစ်မှ စတင်ထားရှိခဲ့ပါတယ်။
နွားထီးရုပ်တုကြီးက ၁၉၈၇ ခုနှစ် ရှယ်ယာ ဈေးကွက်ပျက်ကပ်ကို အကောင်းဆုံး ကျော်ဖြတ်နိုင်ခဲ့တဲ့ အမေရိကန် လူထုရဲ့ သန်စွမ်းကြံ့ခိုင် အားကြီးမားမှုကို သရုပ်ဖော် ထားတာပါ။ အဲဒီနောက်ပိုင်းမှာ ဒီ နွားထီးရုပ်တုဟာ ဝေါလမ်းမရဲ့ ဆွဲဆောင်မှု တခုဖြစ်လာပြီး အဲဒီမှာ ဆက်ထားဖို့ ခွင့်ပြုခဲ့ရပါတယ်။
အခု မိန်းကလေးငယ် ရုပ်တုကတော့ ခရစ္စတင်းဗစ်စဘဲလ် က ထုဆစ်ခဲ့ပြီး ဒီနေရာမှာ ထားရှိခွင့်ကို မြို့ အာဏာပိုင်တွေက ခွင့်ပြုခဲ့ပါတယ်။
အမျိုးသမီးငယ်ရဲ့ ရုပ်တု ဒီနေရာမှာ ဘယ်လောက်ကြာကြာ ထားရှိမလဲ ဆိုတာတော့ မသိသေးပါဘူး။ SSGA ကုမ္ပဏီ ကတော့ ၁ လ ထားစေချင်တယ်၊ အမြဲတမ်း ထားခွင့်ရရင်လည်း ကောင်းပါတယ် လို့ ပြောပါတယ်။
ဘီဘီစီမြန်မာပိုင်း | BBC Burmese | https://www.facebook.com/bbcburmese/posts/1313504385372110
